Prošla je godina daan da je ovo nesritne autobusne čekaonice ruvinalo,a ne da nisu prominili caklo,več ni komadiče cakla na podu nisu uspili pokupit? A nova večina u Mjesnomen odboru rekla je kako ne triba točka razno,jerbo če oni detektirat i rješavat nastale probleme,a taman nigdi tamo kad su u mjesnu vlast stasali,ovo se i ruvinalo,znači godinu i koji misec + ,ovo stoji evo ovako. A evo i text kojega…

Jema več dugo vrimena da oni semafori ča su ji mekli navr škole,da se onemu koji vozi brzo,upali crveno,tu funkciju ne obavlja,a jema ji fala Bogu ča tote,ne vozidu,več letidu. Razlog kvara je solarni panel za napajanje radara koji šalje signal-naredbu semaforu da upali crveno,a koji je nakon bure nesta bestraga,a svi znamo da ovi kvar baš nesmi dugo ostat kvar,pa se nadamo da če tako i bit,iako je prošlo…

Danas okolo ure kad je prolazila ferata,ova donja ranpa se uopče nije spustila do kraja,fermala se na polak puta i tako stala cilo vrime. Da tribamo bit oprezni kad se prolazi priko štrike to moramo cilo vrime imat na umu,stat,jerbo kraj svakoga prilaza nan i sam znak stop to govori,pogledat livo i desno,pa tek onda polako prič,su radnje koje prije svakoga prolaza priko štrike moramo učinit,jerbo kako znamo,vlak je uvik…

Zanji put je,ako se sičate,oba ovemu bila rič kad je počeja ra…,ma nije rat,več specijalna operacija Rusije nad Ukrajinon,jerbo se počela čutit destabilizacija u opskrbi sa goriviman,ali se to nakon određenoga vrimena uspilo stabilizirat,sad,kako su Amerikanci i Izraelci krenili na Iran,situacija je puno složenija nego ča je to bilo i ko zna ča če od svega ispast,jerbo ni najmanje ne izgleda dobro,a kako stručnjaci govoridu,strašidu nas,da ako se vako nastavi,biče…

Vidin kad uđeš u priču da puno nji nima pojma o kolačiman koji su se ovod u nas za Uskrs činili,ali če se uredno sa tebon karat,jerbo mu nije drago kad mu isprid svi pokažeš kako o nikiman stvariman nima pojma,a pravi se ka da je popija pamet cilega svita… U ona prije vrimena,moja mater je tisto za sirnice mišala u oni veliki lateni lavapijat,niko nije smija u kužinu uč,…